Foco Juan Soto

5 e 6 de decembro / 17:00 / Auditorio

FIC Verín Actividades paralelas

A obra do director colombiano Juan Soto susténtase no desprazamento, pois toda ela foi creada fóra do seu país de nacemento en viaxes e residencias no estranxeiro, visitas a familiares, percorridos por festivais e regresos ocasionais a Colombia. No seu traballo, as fronteiras entre o documental, o cinema doméstico, o relato de viaxes e o diario íntimo quedan expostas e por conseguinte transgredidas.

Baixo esta premisa, as xornadas deste foco combinarán a exhibición de curtametraxes e a discusión destes xunto ao seu director, concentrándose nos desprazamentos da mirada, co propósito de ver os seus tránsitos simbólicos a través de espazos imaxinados polo trazo da lembranza.

Participantes

Juan Soto: Cineasta colombiano. Graduado pola Escola Internacional de Cine e Televisión de San Antonio de los Baños (EICTV) de Cuba. Actualmente vive en Londres, onde traballa como montador e técnico audiovisual para proxectos artísticos, actividade que combina coa realización dos seus propios proxectos.

Laura Correa-Montoya: Profesora universitaria. Máster en Artes e Letras, con énfase en estudos culturais e teoría crítica do programa Master Mundus Crossways in Cultural Narratives das Universidades de Santiago de Compostela (España), Sheffield (Inglaterra) e Perpignan (Francia). Os seus intereses de investigación céntranse no eido da estética, o cinema e a literatura experimental.

Juan Osorio-Villegas: Profesor universitario. Máster en Estudos Cine e Audiovisual Contemporáneo na Universitat Pompeu Fabra (Barcelona). Comunicador Social-Xornalista pola Universidade Pontificia Bolivariana de Medellín (Colombia) e profesor do pregrao de Comunicación Social-Xornalismo con especialización en Literatura.

Día 5 de decembro (17.00 horas). O rexistro íntimo como xesto político

Visualización e debate dos seguintes traballos:

  1. Nieve (2012 – 29'26"): Establecerse nun novo lugar: vivir e gravar o nunca visto.
  2. Violeta (2014 - 4'14"): A distancia do fogar, da familia: correspondencias.
  3. In memoriam Chris Marker (2012 – 3’38”) e The Day Maggie Thatcher Died (2013 – 5’28”):O cotián en UK a partir de dous eventos históricos.
Día 6 de decembro (17.00 horas). Poéticas do político

Visualización e debate dos seguintes traballos:

  1. 19° Sur 65° Oeste (2010 – 30'25"): O exilio, o reencontro.
  2. Oslo, 2012 (2012 – 18’20”): O acordó.