
Sergio Pazos será homenaxeado no FIC de Verín. Este artista ourensán con experiencia multidisciplinar traballou en teatro, en cinema, en televisión e, ademais, foi reporteiro en programas como o ben coñecido Caiga quien caiga. O FIC Vía XIV quere renderlle homenaxe cunha actividade que inclúe o visionado dalgunhas das curtametraes máis representativas da súa carreira.