CYCLISTS
Veljko Popović
Croacia/Francia
2018 | 7' 20''
A tempada de ciclismo achégase á súa fin. Durante a derradeira carreira, os dous homes en cabeza compiten por máis que o Gran Trofeo; loitan polo agarimo dunha dama e polo cumprimento das súas fantasías eróticas. Mentres tanto, a pequena cidade portuaria prepárase para a chegada dun gran trasatlántico e do seu capitán.
Veljko Popović
Veljko Popović naceu en 1979 e graduose en 2003 na Academia de Belas Artes de Zagreb, Departamento de Pintura. É cofundador de Lemonade3D, un estudo de animación e animación por ordenador. As súas películas foron proxectadas e premiadas en numerosos festivais en todo o mundo, incluídos: Annecy, Animafest Zagreb, Clermont-Ferrand, Aspen, Hiroshima, Leeds e Stuttgart.
Constellations
Anna Maguire
Reino Unido/Canadá
2018 | 18'
No momento no que unha muller nova se dá conta de que explorar a súa sexualidade alónxaa cada vez máis do seu mozo, un encontro casual permítelle controlar o seu propio desexo.
Anna Maguire
Anna Maguire é unha actriz, escritora e directora británica-canadiana. O seu traballo dentro e fóra da pantalla foi recoñecido tanto no seu país coma no estranxeiro. Vén de rematar Constellations, unha película sobre a exploración e o desexo sexual feminino, e actualmente está a escribir a súa primeira longametraxe.
Fuck you
Anette Sidor
Suecia
2018 | 14' 40''
Alice y Johannes son parella. Ela non ten moito tempo para si mesma. Nunha noite con amigos, ela rouba unha correa e desafía os pensamentos do seu mozo sobre as rapazas.
Anette Sidor
Anette Sidor obtuvo o seu B.F.A. en Dirección de Cinema na Academia de Arte Dramático de Estocolmo no ano 2015, coa súa curtametraxe Debut. Formouse en escritura de guión en Manusutbildning e, actualmente, codirixe a produtora de cultura Verket Produktion.
THE LOVETTS
Igor Bezinović
Croacia
2018 | 17'
O Sr. e a Sra. Lovett viven o seu (sexo) a plena vista pública fronte a unha cámara web conectada permanentemente, que enmarca a súa espartarna sala de estar como un acuario humano. Isto é todo o que vemos das súas vidas, pero non é tan pouco, despois de todo.
Igor Bezinović
Igor Bezinović estudou Filosofía, Socioloxía e Literatura na Universidade de Zagreb, tras o cal se formou como director na Academia de Artes Dramáticas da mesma cidade croata. Realizou a súa primeira curtametraxe documental, Above Average en 2009 e dende entón dirixiu varios documentais e curtametraxes. Ademais, segue a traballar coma escritor.
POKE
Mareike Engelhardt
Francia
2017 | 17' 49''
Zoé seduce a Alex nun clube nocturno. Ela convídao ao seu lugar. O xogo da sedución convértese nun xogo de poder que se sae dos carrís cando toma as cousas da man.
Mareike Engelhardt
Mareike Engelhardt graduose con honras en Literatura Comparada, Historia da Arte e Psicoloxía na Universidade de Berlín e despois estudou cinema na École Supérieure Libre d’Études Cinématographiques de París. A súa paixón pola danza contemporánea abriulle camino na súa realización cinematográfica e en 2010 codirixiu a súa primeira peza de danza baixo o nome de A xeometría da separación.
