- A persoaxe creada por Miguel Ángel Soutelo centrou unha das actividades paralelas celebradas no marco do FIC Vía XIV, con gran éxito de público
Verín, 07 de setembro de 2020.- O humor de Frei Chitín, persoaxe creada polo verinés Miguel Ángel Prieto Sotelo, encheu de gargalladas o Auditorio de Verín. O frailefoi o protagonista absoluto dunha actividade paralela celebrada ao abeiro do FIC Vía XIV 2020, que contou cun grande éxito de público.
O Auditorio de Verin acolleu un espectáculo no que Frei Chitín departiu co público, ofreceu elevadas doses de enxeño e humor e exhibiu un documental propio, cun marcado carácter entroidero.
Caminos de Tierra
Xunto a isto, tamén o Auditorio de Verín acolleu un pase do documental Caminos de Tierra, dirixido por tres mozos de Verín -José Antonio Quintas Fírvida, Nacho Sola Veiga e Andrés Gonzalo Álvarez.
A obra detalla a viaxe que realizaron dende Ourense ata Galitzia (en Polonia) no ano 2019 e durante 40 días. Fixérono subidos a unha caravana vintage e autosostible pasando por un total de 11 países. A peza documental xurdida tras a viaxe contén unha unha mensaxe ecoloxista e de chamada de atención para a protección do medio natural.
Deixa unha resposta