Obradoiro de cinema 3D | FIC Vía XIV

OBRADOIROS DE CINEMA PARA NEN@S E MOZ@S EN 3 D E REALIDADE VIRTUAL. INSCRÍBETE XA!

A xente nova da comarca de Verín está chamada a ser a protagonista absoluta de dous obradoiros de cinema que se impartirán no marco da semana do Festival de Curtas. O primeiro destes workshops, na quenda de mañá estará centrado en darlle vida ás animacións 3D e o segundo, na quenda da tarde, consitirá en traballar coa realidade virtual.

Ambos os obradoiros estarán impartidos pola monitora Cristina Blanco nas xornadas dos días 6, 7 e 8 de decembro.

A finalidade destas actividades é a de fomentar, dun xeito lúdico e divertido, o interese no cinema por parte dos cativos e cativas da comarca, e tamén da xente moza. Paralelamente, fomentarase a creatividade e os valores vinculados ao emprendemento, favorecendo a aprendizaxe a través do xogo.

TALLER DE CINEMA 3D

Días	6,7, 8 de Decembro
Horario	Mañá 10:00 a 13:00
Lugar	Aula Cemit de Verín. Casa da Xuventude. Avenida Portugal, 11 andar 1
Prezo	30 euros Abonaráse o primeiro día do taller a monitora
Prazas	22 prazas máximo 10 prazas mínimas para realizar o obradoiro
Idades	10 a 15 anos
Inscripción	123artesdixitais@gmail.com
Monitora	Cristina Blanco Tlf: 609166550

Neste obradoiro crearase un escenario de animación onde as leis da física se poidan controlar ao noso antollo. Os participantes darán vida ás súas propias figuras en 3D e aprenderán a controlar a iluminación, os diferentes encadres e puntos de vista da cámara, usando diversas ferramentas para dar os primeiros pasos no longo e apaixonante camiño de chegar a ser un deseñador 3D.

Para iso, empregarase un software educativo. Permite aos rapaces e rapazas adquirir as habilidades básicas en informática á vez que crean curtas de animación 3D, nos que poden controlar o comportamento de personaxes e obxectos tridimensionais nun mundo virtual a través dunha interface moi intuitiva.