- Hoxe, xoves 8 de decembro, arrinca o cuarto día do Festival Internacional de Curtametraxes de Verín
- O director Óscar Doviso dará unha rolda de prensa ás dez e media da mañá para falar da súa curtametraxe “O rebelde”
O cuarto día do Festival comeza ás dez e media da mañá na Casa da Cultura, onde Óscar Doviso dará unha rolda de prensa para tratar de introducirnos á súa última curta O rebelde. Contará a historia do Alzamento de Pascua, ademais de vincular a ópera rock coa súa curtametraxe.
A xornada comeza ás seis da tarde coa celebración dos foros audiovisuais centrados na temática de Entroido. A moderadora será Nola Soa, xornalista de orixe verinesa con gran experiencia. Os participantes serán Rosa María Rodríguez Portela, dona do bar máis mítico de Verín, o que lle permitiu ter unha visión única do entroido. Ademais dela, Luisiña, historia viva do entroido verinés, José Rodríguez Cruz, escritor e colaborador da cultura verinesa. Jorge de Viana, comprometido por defender e manter o entroido e, por último, Fanfán, unha das persoas máis importantes para o entroido desde fai cinco décadas.
Ademais, continúa a vídeo mostra con imaxes dos refuxiados da man de Carlos Folgoso.
No Auditorio Municipal
A partir das 20.30h, o Auditorio acollerá a proxección de seis curtas que versarán sobre a emigración.
- Share ou non Share, de Juan Hervella Rego, é unha historia dun reality show salvaxe no que 6 inmigrantes compiten por obter a residencia legal..
- Kamishibai, é un curto brasileiro dirixido por Tatiana Azevedo, que conta historias de inmigrantes xaponeses no país.
- Stalingrado, dirixida por Anyora Sánchez son 12 minutos dunha peza sobre unha relación edipiana, amor e aceptación.
- The heat wave, está dirixida por Lucía Valverde. É unha historia cotiá sobre unha parella de namorados aos que visita o pai da noiva. Ingo, o seu xenro decide prepara unha paella para impresionalo. Con tan mala sorte que queda fóra da casa e coa pota no lume.
- 17 anos xuntos, é unha historia de Javier Fresser na que facer felices aos demais pode ser o mellor dos agasallos.
- Onde caen as follas, de Alicia Albares, é a historia de Eva, unha muller destruída pola morte da súa filla que se ten que enfrontar de novo a unha situación límite coa súa nai.
Ás 22.15h, no Auditorio Municipal de Verín, terá lugar a proxección de seis curtametraxes que tratan como tema principal o Entroido.
- Ikal, de Álvaro Figuerola, curto no que se mesturan secuestros, bruxas e profecías.
- Taller de corazóns é unha produción mexicana dirixida por León Fernández. Unha historia dun artesán que repara corazóns rotos pero que esconde un misterioso segredo.
- O quimérico espectáculo dos Bizzaneli vén de Colombia e fala sobre unha familia de artistas que convive nunha habitación e que cada día prepárase para o seu espectáculo, que non deixa de ser o reflexo do seu drama diario.
- Cruel perdón, dirixida por Fabio Colonna, é unha inquietante historia dun mozo que atopa o cadáver da súa nai na bañeira. A súa tía faise cargo del pero algo estraño comeza a pasarlle a ela tamén.
- Dezaoito, dirixida polo español Tonet Ferrer, conta a historia da festa dos 18 anos de Jennifer, un aniversario en grao sumo atípico.
- Briue Gallagan, dirixida e producida por Pau Perramon é unha historia de espías galácticos que terán que enfrontarse a toda clase de perigos.
Na Casa da Cultura
A partir das 18:00h, inícianse as proxeccións na Casa da Cultura con sete pezas que teñen como nexo de unión o tema Emigración.
- Salsa, dirixido por Elena Muñoz Cano, é un curto que vira ao redor de como a danza pode mellorar a vida de catro persoas anónimas.
- Dent de lleó, dirixido por Jorge Bellver, é un traballo que representa o voo dun dente de león desde o interior de África ata as nosas costas.
- Cómplices por accidente, dirixida por Alfredo Panadeiro, é un curto no que os protagonistas coinciden nun roubo porque os dous decidiron executalo a mesma mañá.
- Alone, dirixida por Arcadi Martín Morais, é un curto no que se reflicte a dureza do abandono aos anciáns.
- 56, dirixida por Marco Hortas, é un traballo audiovisual que mostra a inxustiza que sofren moitos nenos para poder ir ao colexio en África.
- Haters, dirixida por Sergio Manuel Sánchez Cano é un curto que vai máis aló do odio.
- Cuco, dirixida por Davek Carrizosa, é un traballo audiovisual mexicano no que a protagonista, Ana, decide abandonar a súa casa tentando escapar do seu pasado.
Ás 20.00h, terá lugar a proxección doutras seis curtametraxes, centradas noutro dos temas centrais do festival: o Entroido.
- Criaturitas, dirixida por Ignasi López, é un curto español sobre dous exércitos que nacen da escuridade e que terminarán nun feroz enfrontamento.
- Ou Moredo, dirixida por David Vázquez, é un curto español sobre o Entroido Ribeirao.
- A conmoción do silencio, dirixida por Nancy Molina Díaz de León, é un documental mexicano que versa sobre o folclore do ruído da cidade de México.
- Ulises, dirixido por Aitor Gutiérrez, é un curto español sobre un home solitario. Ou projeto do meu pai é un curto brasileiro de debuxos animados.
- Xogos de risa, dirixida por Marko Simic, é un curto español que reflexiona sobre as raíces da educación cos conceptos de risa, xogo e improvisación.
Para finalizar a xornada, ás 22.15h, realizarase o visionado de oito curtos, todos eles relacionados co tema “fronteiras”.
- Engadir contactos, de David Oeo, son 3 minutos da historia dunha volta a casa que se complica máis do habitual.
- O debuxo, dirixida por Antón Atrio González, é unha reflexión sobre a sinceridade da infancia e a consciencia da vida adulta.
- Fronteiras de enerxía animal é unha peza de Plácido Romeu sobre o papel vital dos animais na produción de enerxía tanto no pasado como na actualidade.
- O Rebelde é a historia de Pâdraig Pearse, poeta, mestre e avogado condenar á morte por fusilamento, que está dirixida por Óscar Doviso.
- Polo, de Charlie García Villalba, conta a historia dun Garda Civil que tras a Guerra Civil decide perseguir aos superviventes do bando perdedor no monte.
- Restart é unha película dirixida e co producida por Olga Osorio.
- Sen o teu latexado conta a historia dun taxista que rapta a Luís Eduardo Aute, co objectivo de que lle cante á súa muller, que está ao bordo da morte.
- Vostok, dirixida por Miquel Casals, é un curto que trata do primeiro programa espacial soviético.
Deixa unha resposta