Agua Mole
Alexandra Ramires, Laura Gonçalves
Portugal
2017 / 9´
Os derradeiros habitantes dunha aldea non se deixan somerxer no esquecemento. Nun mundo onde a idea de progreso parece estar por riba de todo, esta casa flota.
Alexandra Ramires, Laura Gonçalves
Laura Gonçalves licenciouse en Arte e Multimedia e Alexandra Ramires en Pintura, ambas as dúas pola Facultade de Belas Artes da Universidad de Lisboa. Comezaron a traballar en cinema de animación en 2009 na produtora Sardinha em Lata.
Matria
Álvaro Gago
España-Spain
2017 / 30´
Ramona vive co seu marido, con quen apenas se comunica, e traballa nunha fábrica de conservas gobernada por unha encargada tirana. Ante os desafíos que lle presenta a súa rutina diaria, Ramona trata de refuxiarse na relación que lle une á súa filla e á súa neta.
Álvaro Gago
Álvaro Gago gradúase en Comunicación Audiovisual e Piano antes de se mudar a Chicago, onde estuda actuación e dirección de teatro na North Park University. En 2009, trasládase a Londres e iníciase no cinema nos Ealing Studios da Met Film School. Dous anos máis tarde pasa a formar parte do MA Filmmakig ofrecido pola London Filme School, do que se gradúa en 2013 coa curta Curricán, gañadora do Premio á Mellor Dirección no Curtocircuito ISSF e á Mellor Película no Festival de Cans e no Festival Primavera do Cine de Vigo.
Flores
Jorge Jácome
Portugal
2017 / 26´
Nun escenario de desastre natural, a poboación das Azores ao completo é evacuada forzosamente debido a unha praga incontrolada de hortensias, unha flor moi común nestas illas. Dous mozos soldados, apegados á beleza da paisaxe, relátannos as tristes historias daqueles que foron forzados a marchar e o inherente desexo a se resistiren e a seguir vivindo nas illas. A reflexión fílmica convértese nunha reflexión nostálxica e política sobre a identidade e a pertenza a un territorio, e os roles que asumimos nos lugares dos que procedemos.
Jorge Jácome Flores
Jorge Jácome naceu en Viana do Castelo (Portugal) en 1988 e pasou a súa infancia en Macao. Graduouse en cinema en 2010 pola Escola Superior de Teatro e Cinema e en 2016 graduouse con “felicitation du jury” (“mención especial do xurado”) por Le Fresnoy-Studio national des Arts Contemporains. As súas curtas proxectáronse en festivais de cine en Portugal, España, Francia, Alemaña, Eslovenia, Polonia e Israel, así como en retrospectivas no Museo New Bedford Whaling, Palais de Tokio, Maison Européenne de la Photographie, CalArts –California Institute of the Arts e Georgetown University.
PLUS ULTRA
Samuel M. Delgado, Helena Girón
España-Spain
2017 / 15´
Plus Ultra é o lema do estado español. Con el alentase aos navegantes a conquistar novas terras esquecendo a advertencia da mitoloxía grega: Non Terrae Plus Ultra (Non existe terra máis alá). Canarias —banco de probas das tácticas empregadas na colonización de América— convértese no escenario dunha fábula sobre o territorio.
Samuel M. Delgado e Helena Girón
Os seus traballos indagan nas relacións entre mitoloxía e materialismo. As súas películas tiveron un amplo recorrido en festivais internacionais de referencia como o Toronto International Film Festival, o Festival de film Locarno, o New York Film Festival, o Festival Internacional de Cine de Mar del Plata, o International Film Festival Rotterdam, o FIC Valdivia, Curtas Vila do Conde, Ann Arbor ou o Media City Film Festival e centros de arte coma o CCCB ou o TEA.
