Después de la bandera
Carlos Martínez-Peñalver Mas
España-Spain
2017 / 7´
Eloi emerxe do mar, vai vestido de traxe e carga unha pesada maleta, as súas vacacións acaban de comezar e atópase cunha praia atestada de turistas. Despois da bandeira é unha ficción experimental sobre os procesos de xentrificación, nos que as vítimas son causantes da súa propia insatisfacción.
Carlos Martínez-Peñalver Mas
Carlos Martínez-Peñalver Mas (Vigo, 1991) é director e montador de cine. Debuta dirixindo videoclips para bandas da escena galega (Mvnich, Jay, Puma Pumku, ou Selvática, entre outras), colaborando coas discográficas Matapadre e Discos Humeantes. O seu campo preferido e a ficción, onde desata unha vocación experimental na procura de linguaxes expresivas a través da maridaxe entre a imaxe dixital e o celuloide. As súas curtametraxes Nocturna (2014) e Juventud Gruyère (2015) foron seleccionadas en festivais de España, Italia e Arxentina.
Cidade pequena
Diogo Costa Amarante
Portugal
2016 / 20´
En setembro, o neno Frederico descobre por medio do seu mestre que o seu corazón se detén, a xente morre.
Diogo Amarante
Licenciado en Dereito pola Universidade de Coímbra, onde estudou entre 2000 e 2005. Mestrado en Cine Documental e posgrado en Cinematografía, pola Escola Superior de Cine e Audiovisual de Cataluña, Barcelona, concluido en 2010. Estudante da New York University en Cinematografía e Produción Cinematográfica de 2012 a 2016.
FARPOES BALDIOS (Barbs, Wastelands)
Marta Mateus
Portugal
2017 / 25´
A finais do século XIX, os campesiños en Portugal comezaron unha valente loita para conseguir mellores condicións laborais. Tras xeracións de miseria e fame, a Revolución dos Claveis sementou a promesa da reforma agraria. Principalmente na rexión do Alentejo, estes traballadores rurais ocuparon as grandes propiedades que pertenceran aos seus señores. Posiblemente, o xerme perdido doutros froitos…
No Alentejo dicíase que cando algo se perdía os que o estaban buscando debían volver ao comezo. Debemos rezar e pedir a Santa Lucía que despexe a nosa vista para que poidamos ver e mirar mellor. Os protagonistas desta película, resistentes na loita, moitos deles analfabetos, que traballaron desde a súa infancia, contan a historia aos mozos de hoxe en día, coas súas propias palabras.
Marta Mateus
Marta Mateus é unha actriz e directora coñecida por Setembro (2016), Filme do Desassossego (2010) e A Zona (2008).
QUIASMA
Tono Mejuto
España-Spain
2017 / 12´
Quiasma é unha peza de cinema-danza que recolle o proceso de investigación e creación coreográfica de Javier Martín para a súa obra ‘la exforma’, estreada en Setembro de 2016 no Teatro Colón de A Coruña.
Filmada en celuloide branco e negro de 16mm, Quiasma situase na encrucillada entre as artes vivas e as artes visuais, nun ámbito de investigación colectiva arredor das artes do movemento.
Tono Mejuto
Tono Mejuto fórmase en arquitectura entre as escolas da Coruña, Graz e Santiago de Chile, e forma parte do grupo de acción e investigación urbana ‘ergosfera’. Paralelamente, no eido das artes visuais, fórmase como fotógrafo na escola Blank Paper de Madrid e asiste a diversos cursos e obradoiros impartidos por Paulino Viota, Isaki Lacuesta, Xavier Ribas ou Jorge Ribalta entre outros. En 2015 publica Unidade Veciñal coa editorial galega Fabulatorio. Quiasma é a súa primeira curtametraxe.
COUP DE GRACE
Salomé Lamas
Portugal
2017 / 25´
Leonor volve dunha viaxe nun día no que o seu pais non a estaba agardando. En vintecatro horas vivirán unha crecente realidade alucinada, conducida polo inquietante estado de aparente normalidade de Francisco.
Salomé Lamas
Salomé Lamas (1987, Lisboa) estudou cinema en Lisboa e Praga e artes visuais en Amsterdam. Agora está facendo o doutorado en estudos de cine en Coimbra. É autora de The Community (2012), Encounters with Landscape 3x (2012), VHS: Video Home System (2010-2012), Theatrum Orbis Terrarum (2013), Le Boudin (2014), The Tower (2015), Mount Ananea (5856)(2016), entre outros proxectos. O seu traballo foi premiado e programado tanto en centros de arte como en festivais de cine.
