A produtora e directora artística de orixe cubana, Claudia Expósito, foi a encargada de realizar a selección de curtas que se exhibirán na IV edición do FIC Vía XIV de Verín no marco desta iniciativa. Expósito ten participado, desdeo ano 1993, nuns 150 espectáculos musicais, festivais, eventos e proxectos audiovisuais. Xunto a isto, ten creado e producido varios espazos artísticos como Xogo de Malabares, Puntal Alto ou A Guitarra Limpia, entre outras.
Esta retrospectiva será exhibida en dous bloques diferentes como programación paralela á do propio festival. É un claro exemplo da vocación social que ten o certame e que posibilita conectar Verín con outras realidades e culturas a través do cinema.
No marco desta retrospectiva poderán verse en Verín as curtas Ángela, de Juan Pablo Daranas; Las muertes de Arístides, de Lázaro Lemus; Los viejos heraldos, de Luis Alejandro Yero; Gloria eterna, de Yimit Ramírez; Casa de la noche, de Marcel Beltrán; No country for old squares, de Yolanda Durán y Ermitis Blanco; El Pescador, de Ana A. Alpízar e Paisaje, de Daiyan Noa.
