12:00 a 13:30 h (8 a 12 anos) | Sopa Cómica 1 | Auditorio
10:00 a 11:30 h (2 a 7 anos) | Sopa Cómica 2 | Auditorio
12:00 a 13:30 h (8 a 12 anos) | Sopa Cómica 2 | Auditorio
Este ano, a narradora Raquel Queizás preparou un prato estrela para que a rapazada goce co cinema. As nenas e nenos de Verín e comarca poderán ver as mellores curtas das grandes figuras da comedia. Descubrirán á enxeñosa Mabel Normand, á cameleónica Collen Moore, ao polifacético Charles Chaplin, ao xenio de Buster Keaton, aos falcatrueiros Laurel e Hardy (o Gordo e o Fraco) ou aos inigualabeis irmáns Marx (Groucho, Harpo e Chico).
Como broche final gozarán coas curtas seleccionadas polo Festival. Historias que fomentan o respecto ao outro, a liberdade, a paz, a tolerancia e a igualdade entre homes e mulleres. Os cativos e cativas tamén poderán participar nunha votación popular infantil na que elixirán a mellor curtametraxe das visionadas.
