Unha achega a B´Tselem da man de Helen Yanovsky
B'Tselem - o Centro de Información Israelí para os Dereitos Humanos nos Territorios Ocupados esforzase por rematar coa ocupación de Israel, recoñecendo que éste é o único xeito de lograr un futuro que garanta os dereitos humanos, a democracia, a liberdade e a igualdade para todas as persoas, palestinas e israelíes por igual, vivindo nun anaco de terra entre o río Xordán e o mar Mediterráneo.
B'Tselem (literalmente: na imaxe de), é o nome elixido en alusión a Xénese 1:27: “E Deus creou á humanidade á súa imaxe. Á imaxe de Deus, El os creou”. O nome expresa o edicto moral xudeu e universal de respectar e defender os dereitos humanos de todas as persoas.
Durante un cuarto de século, dende a súa fundación en 1989, B'Tselem dedicouse principalmente a documentar ás violacións israelíes de dereitos humanos dos palestinos en Cisxordania e a Franxa de Gaza. Coa fin de axudar a minimizar estas violacións, e sobre a base da suposición de que a ocupación era un estado temporal de asuntos, B'Tselem publicou estatísticas, testemuñas, videos e informes.
A fin da ocupación
Porén, tras máis de medio século de ocupación, durante o cal Israel implementou políticas que consolidaron cambios significativos que indican intencións a longo prazo, esta realidade claramente xa non se pode considerar temporal. Polo tanto, mentres continúa documentando e publicitando as violacións de dereitos humanos, B'Tselem, na súa calidade de organización de dereitos humanos, esixe agora inequivocamente a fin da ocupación.
B'Tselem é unha organización independente e non partidista. É financiada unicamente por doazóns, tanto de subvencións de fundacións europeas coma norteamericanas que apoian os dereitos humanos en todo o mundo e recibe, tamén, xenerosas contribucións de particulares de Israel e do estranxeiro.
Entre moitas das súas actividades, a organización regala cámaras e ensina a filmar aos cidadáns palestinos para que rexistren o seu día a día e dean conta da situación real que viven. O resultado son tanto películas coma clips virais de Youtube que amosan accións como a execución de civiles, o cal levou a varios soldados israelíes ao cárcere.
Sobre Helen Yanovsky
A cineasta Helen Yanovsky, cuxos traballos foron vistos tamén en festivais como a Berlinale, Doclisboa ou Palm Springs, é tamén a responsable do arquivo de B’Tselem. Participa no Festival Internacional de Curtas de Verín VIA XIV para explicar en primeira persona como funciona a organización e terá un encontró co público da vila, ademais de formar parte do xurado oficial do certame.
