ROMPENTE
Eloy Domínguez Serén
España
2021
26’
Santi é un pai adolescente que vive nun pequeno pobo costeiro. Polo día traballa nas bateas e polas noites marisquea furtivamente. Mentres a súa moza Lucía asume a soidade do coidado do bebé de ambos, Santi, ausente e afogado pola responsabilidade, busca refuxio e redención no mar.
Eloy Domínguez Serén
Simes, Galicia, 1985. Tras estudar en Salamanca e Milán, graduouse en Barcelona en 2010. Antes do seu debut coma cineasta, foi crítico de cinema en prensa e radio. Comezou a súa carreira realizando varias curtametraxes en Suecia, a onde se trasladou en 2011. En 2018 estreou Hamada, a súa primeira longametraxe. Con Rompente gañou a Biznaga de Prata no Festival de Málaga 2022 na categoría de curtas.
LUZ DE PRESENÇA
Diogo Costa Amarante
Portugal
2021
Nunha noite chuviosa, un home entristecido sae da súa casa para entregar unha carta a alguén que o abandonou recentemente. Nun recuncho, atópase cunha muller que lle advirte de que a estrada está esvaradiza. Así coñece a Diana. Co corazón roto, Gonçalo cae da súa moto
Diogo Costa Amarante
Nado en Portugal, onde se graduou en Dereito. En 2007 recibiu a bolsa Ibermedia para estudar Realización de Cinema Documental e Dirección de Fotografía na Escola de Cinema e Audiovisuais de Cataluña, Universidade de Barcelona. En 2016 rematou o Mestrado en Belas Artes na Universidade de Nova York / Tisch School of the Arts coa súa película Cidade Pequena, que acadou o Oso de Ouro á mellor Curtametraxe Internacional na 67ª Berlinale.
O QUE QUEDA
Alejandro Rodríguez
España
2021
9’
A través da superficie dunha pantalla, adentrámonos na galería dun teléfono móbil. Unha voz introdúcenos ao seu contido e o desmembra dando paso a un ensaio fílmico que cuestiona o valor das imaxes que xeramos diariamente, reflexionando acerca das relacións que se establecen entre memoria e arquivo.
Alejandro Rodríguez
Nado en 1995, Alejandro Rodríguez estudou Comunicación Audiovisual na Universidade de Vigo e o Mestrado en Dirección de Cine e Series de TV na Escola de Artes TAI de Madrid, onde reside actualmente. Con Fume, a súa primeira curtametraxe (2016) acadou os seus primeiros recoñecementos. En 2021 dirixe a curta Nido coma traballo final de Mestrado e o documental O que queda.
