2 de decembro / 17:00 / Auditorio
O entroido galego e, dentro del, o ouresán en particular, constitúe un tesouro cultural de primeira magnitude. Este foro pretende explorar, en colaboración coa Sociedade Antropolóxica Galega, o concepto do entroido como un fenómeno non centralizado que afecta e compete a toda a poboación da comarca de Verín e que nos conecta co mundo.
Tanto a simboloxía dos traxes típicos do entroido verinés como as propias tradicións deses días de festa son paralelas a outros fenómenos case iguais que se celebran en lugares tan dispares como Xeorxia, o Sahara ou os países bálticos.
No marco deste foro, visionarase o documental Estrano por fóra, salvaxe por dentro de Pedro G. Losada e Miguel Losada. Este traballo tenta transmitir unha mirada desmesurada dos participantes que, como oficiantes dun vello rito presidido por verdaderos demiúrgos, encarnados nos traxes, aspiran a ser os motores do mundo.
Participantes
Pedro G. Losada E Miguel Losada
