Bases

Bases de participación no Concurso de Curtas do FIC Vía XIV 2021

  1. As curtametraxes que se presenten a concurso deben ter sido realizadas posteriormente a xaneiro de 2020.

  2. A participación no concurso é aberta e pode participar nel calquera persoa amateur ou profesional de calquera nacionalidade.

  3. Valorarase que as obras a concurso sexan estreas en España. O historial de exhibicións farase constar nas observacións da ficha de inscrición.

  4. Aceptaranse películas inferiores a 31 minutos de calquera xénero. A organización decidirá en que categoría considera emprazar cada filme e comunicarallo aos autores antes de pechar a programación.

  5. Cada autor, produtora ou distribuidora poderá facer todas as inscricións que considere oportunas, pero a organización non aceptará envíos masivos.

  6. No caso de obter algún dos premios outorgados polo Festival, os premiados incluirán unha referencia escrita do dito premio ao inicio de todas as copias da película que distribúan para a súa exhibición en salas comerciais e/ou en certames audiovisuais, así como en todo o material informativo. A dita referencia consistirá nun texto co tipo de premio outorgado, acompañado invariablemente da imaxe corporativa (logotipo e nome) do Festival Internacional de Verín Vía XIV, os cales lle serán facilitados pola organización.

  7. Non se aceptarán obras enviadas anteriormente ao FIC Vía XIV.

  8. Os videos publicitaios e/ou comerciais quedarán excluidos.

  9. A taxa de inscripción por curtametraxe no FIC Vía XIV é a seguinte:

DATA LÍMITE ANTICIPADA:
31 mar 2021 . 2€
DATA LÍMITE ESTÁNDAR:
30 abr 2021 3€
FECHA LÍMITE TARDÍA:
15 xuñ 2021 5€

  1. O pagamanto realizarase a través de  plataforma (tipo Festhome, etc) ou de PayPal. A inscrición só será efectiva ao comprobar o ingreso da taxa.
  2. Para a súa preselección, as obras deben subirse no seguinte formato:
    -     MPEG4 AVC (codec H264).
    - Taxa máxima de transferencia de bits: 3000 kbps
    - Audio: AAC.
    - Subtítulos incrustados.
    - Resolución mínima: 480 p
  3. A inscrición realizarase no seguinte apartado:   (http://ficviaxiv.com/es/inscripcion), completando todos os campos que se indican. Para calquera dúbida: inscricion@ficviaxiv.com.

10.- As películas en idiomas diferentes ao castelán ou ao galego deberán incluir subtítulos en castelán, galego ou inglés.

11.-Todas as curtametraxes deberán ter o seguinte formato de proxección:


- AVI, MOV, MP4 o MPEG (codec H264)
- Bitratemax 8000 kbps
- Audio AAC estéreo
- Resolución: 720 x 576 ou superior.
- Subtítulos: As curtas que non teñan o idioma orixinal en castelán ou galego, deberán vir con subtítulos incrustados na imaxe en idioma galego ou castelán e, de non ser así, deberase enviar un archivo anexo de subtitulos en inglés, preferentemente en formato srt.

12 – O festival resérvase o dereito de transformación de calquera curta que non cumpra cos requisitos técnicos e de proxección expresados nas bases ou de calidade de proxección mínima esixible.

13- Ademais, calquera curta que precise un tipo de necesidade técnica ou de proxección propia (Betacam, S-8, S-16, etc) será avaliada e autorizada pola organización do Festival.

14.- No caso de ser seleccionada unha curtametraxe, o seu representante legal deberá enviar tres imaxes, tráiler da obra e calquera outra material que considere oportuno para a súa utilización nas publicacións do Festival en calquera dos medios utilizados. Deberá, ademais, autorizar a utilización do tráiler para a difusión do Festival e das propias obras.

15.-O Festival non pagará dereitos de exhibición das películas seleccionadas.

16.- As obras seleccionadas serán exhibidas dentro da programación da IV Edición do Festival Internacional de Curtas Vía XIV de Verín.

17.-O FIC Vía XIV de Verín aceptará obras en catro categorías temáticas:

    • ENTROIDO – OUTRA MIRADA. Categoría dedicada ao Entroido, entendendo o termo no seu máis amplio sentido e cun significado metafórico de cambio de roles, que recollerá obras que destrúan as regras cartesianas, que creen espazos alternativos, obras que experimenten oca linguaxe cinematográfica e que manexen códigos surrealistas e oníricos.
    • MIGRACIÓN/FRONTEIRA – HORIZONTES. Categoría que incidirá na idea do horizonte coma liña imaximaria e invisible, lonxana e inalcanzable, de gran violencia emocional e simbólica como metáfora da migración. Por outra banda, o horizonte como liña que separa o aquí do alá, como unha sorte de fronteira entre o lugar no que estamos e calquera outro lugar.
    • GALEGO/PORTUGUESA – A RAIA. Algúns dos mellores filmes do mundo son feitos dende as beiras dun río pequeño e silencioso… Dada a singularidade do noso territorio, do Val do Támega, dividido pola Raia, e da nosa historia de emigración e fronteira con todos os seus significados en ambas as beiras, esta categoría acollerá curtas de cineastas de Galicia e de Portugal.
    • NOVA. Serán seleccionados curtas que non teñen cábida nas temáticas categorizadas; é unha categoría xeral que recollerá filmes contemporáneos, cinema de autor e obras que non se rexen por formatos industriais obsoletos.

18.-Establécense os seguintes premios:

    • Premio do Xurado á Mellor Curtametraxe da Categoría Oficial ENTROIDO-OUTRA MIRADA: 750€ y Trofeo.
    • Premio do Xurado á Mellor Curtametraxe da Categoría Oficial MIGRACIÓN/FRONTEIRA - HORIZONTES: 750€ E Trofeo.
    • Premio do Xurado á Mellor Curtametraxe da Categoría Oficial GALEGO/PORTUGUESA - A RAIA: 750€ e Trofeo.
    • Premio do Xurado á Mellor Curtametraxe da Categoría Oficial NOVA: 750€ e Trofeo.
    • Premio do Público á Mellor Curtametraxe: 600€ e Trofeo.

19.-Do importe dos premios serán descontados os gastos da transferencia da contía do premio a cada gañador (no caso de que os houbese).

20.-No caso de empate entre dúas curtas (ex aequo), o premio será dividido entre os gañadores.

21.- Os premios están suxeitos ás retencións fiscais de cada país que por lei estean vixentes no momento no que se celebre o Festival, en setembro de 2021. Calquera gasto de transferencia dos premios, será soportado por estes mesmos, no caso de que os houbera.

22.- O representante legal da curtametraxe comprométese a presentar obrar cuxos contidos sexan orixinais e cuxos dereitos lle pertenzan. A organización non se fai responsable de problemas ulteriores neste sentido.

23.- A presentación dunha curtametraxe conleva, por parte do participante, a cesión non privativa do material á entidade organizadora para o seu emprego nas diferentes actividades programadas do festival durante o ano.

24.- As obras gañadoras poderán ser exhibidas integramente despois da celebración do evento, nun circuito de actos promocionais do Festival de Curtas Vía XIV de Vverín, así como en ciclos externos, facendo nomear sempre ao representante legal.

25.- O xurado estará formado por profesionais dos ámbitos do cinema, da cultura e da arte. O xurado poderá establecer tantas mencións especiais, accésits e premios ex aequo como considere, así como declarar desertos os premios. A súa decisión será inapelable.

26.-Para o Premio do Público, as votacións efectuarase mediante unha papeleta que se dará aos asistentes antes de cada sesión. Será gañadora a obra coa mellor puntuación media.

27.- As presentes bases están suxeitas a posibles modificacións e/ou anexos por causas legais alleas á organización.

28.- A participación nessta convocatoria implica a aceptación destas bases.

29.- A organización terá a última decisión sobre calquera dúbida, malentendido ou erro sobre estas bases. A súa decisión será inapelable.