Un ano máis, desde o FIC VERÍN queremos convidar as nenas e nenos dos colexios de Verín e da comarca a asistir a unha programación creada para eles, elaborada con agarimo para que gocen do cinema todos xuntos.
Nesta edición descubriremos a amizade entre o cine e a literatura infantil e xuvenil da man da contacontos Raquel Queizás.
Poderemos desfrutar co visionado das primeiras adaptacións cinematográficas inspiradas nos contos marabillosos e nos libros clásicos da literatura.
O obxectivo e facerlles ver ás crianzas que esas historias que coñecen poden contarse de diferentes maneiras. Que entendan que o cine mudo é unha expresión que pode resultar moi divertida. Coñeceremos as trucaxes visuais que se empregaban para recrear a fantasía:
Non faltará aventura, misterio, tenrura, risas, maxia, fantasía e sobre todo moita imaxinación.
A literatura é e sempre será unha gran fonte de inspiración para o cine. O cinema tamén se le.
Polgariño, Alicia no pais das Marabillas, Peter Pan, O Mago de Oz... Os protagonistas destas historias son nenas e nenos que teñen preocupacións e reflexionan sobre o mundo no que viven. Son fortes, sensatos e pensan por si mesmos. Reflexan as etapas evolutivas dos espectadores máis cativos. Axudan a formar o seu pensamento crítico e a súa capacidade reflexiva sobre temas como a amizade, o amor, a autoestima, a igualdade de xénero, o respecto polo diferente.
