Esta actividade paralela ten como destinatarios os negocios integrados na Asociación de Comerciantes e Empresarios de Verín, Aever, aos que a organización do FIC Vía XIV anima a engalanar os seus escaparates con motivos relacionados cinema entre o 1 e o 17 de setembro de 2023.
Os tres mellores escaparates serán premiados com 150, 75 e 50 euros respectivamente e os establecementos distinguidos polo xurado daranse a coñecer no decurso da semana do certame. Os premios non poderán ser acumulables a un mesmo comercio e o fallo do xurado será inapelable. Os comercios interesados poden consultar as bases do concurso nesta mesma web.
Xunto a isto, aqueles que realicen compras na rede de establecementos de Aever entre o 24 de xullo e o 24 de agosto poderán gañar algunha das sete entradas dobres que a organización do FIC Vía XIV pon a disposición dos comerciantes de Verín para sortear entre os seus clientes.
