Na xornada do 16 de setembro, o Auditorio de Verín vai acoller a gala final de clausura e entrega de premios ás curtas gañadoras das diferentes categorías da VIII edición do FIC Vía XIV, dirixida e presentada por Manuel Cortés. Un acto aberto aos convidados e profesionais do certame, a diferentes representantes do tecido económico, social e institucional da zona, así como a membros de entidades patrocinadoras do festival e, por suposto, a toda a veciñanza da comarca, que porá o punto e final ao foro neste 2023.
