Cunha fecunda e prolífica traxectoria artística que inclúe teatro, cinema e televisión, Mabel Rivera é unha das actrices máis salientables das artes escénicas galegas. O FIC Vía XIV de Verín quere renderlle homenaxe cunha actividade que inclúe o visionado dalgunhas das curtametraxes máis representativas da súa carreira e un coloquio no que participará a propia Rivera.
Gañadora dun Premio Goya por Mar Adentro, no ano 2005, Rivera é un rostro ben coñecido para os telespectadores galegos pola súa participación na célebre serie Pratos Combinados, que estivo en antena durante oito anos na Televisión de Galicia.
Estos son os títulos que se proxectarán no marco da homenaxe á actriz ferrolá:
|
Título |
Director |
Sinopse |
|
Ato San Nen |
Pedro Collantes |
Marisa é viuva, ten 75 anos e vive soa nun pequeno pobo de campo, coa única compaña do seu can Tico. |
|
Muero por volver |
Javier Marco |
Aos seus 78 anos, Manuela merca uns anteollos de realidade aumentada. |
|
Dantzariak (Bailarines) |
Axier Salazar |
O marido de Toñi foi asesinado por unha bomba de ETA. Despois de 28 anos, Toñi e o ex etarra que cometeu o atentado, reúnense para falar.
|
|
Anacos |
Xacio Baño |
A vida dunha persoa pode ser tan simple e sinxela como a súa receita de biscoito. |
