O eido teatral ten unha enorme relevancia na vila de Verín, na que existen cinco grupos amateur nos que participan de xeito activo máis de 200 persoas, especialmente mozos e mozas. Nos últimos anos, estes grupos veñen achegándose ao mundo audiovisual a través de gravacións - profesionais ou domésticas – coas que experimentan novas narrativas audiovisuais.
Por este motivo, dende o FIC Vía XIV pretendemos achegarnos a este colectivo cunha actividade paralela especial na axenda deste ano, ofrecéndolles unha formación especializada de interpretación ante a cámara que os dote de maiores habilidades, da man de expertos. Con esta actividade abrimos tamén unha colaboración a longo prazo que quere involucrar a parte deste alumnado en futuros proxectos de rodaxes en colaboración co festival.
Esta actividade, de 22 horas de duración impartida por Santi Cañaveral e Álex Mallo, promóvese en colaboración coa Escola de Teatro Kotodama.
Actividade de pago baixo inscrición previa (os interesad@s poden anotarse no formulario habilitado ao efecto nesta mesma web).
Prezo: 70 euros.
Contacto: +34 600 23 43 18
Auditorio de Verín
Entre o 08-09 de 2023 e o 10-09 de 2023
