Sábado 3 de setembro. 20.30h. Auditorio.
Un documental de aproximadamente 25 minutos de duración dirixido e guionizado hai máis de tres décadas polo xornalista e historiador galego Manolo Torrente poderá verse, no marco das actividades paralelas, na vindeira edición do FIC Vía XIV de Verín.
Trátase de Mauthausen, regreso ao campo da morte, que conta a historia de dous galegos que conseguiron fuxir con vida do horror daquel campo de concentración: Enrique Doval, natural de Lugo, e Xaquín Balboa, procedente de Estevesiños (localidade próxima a Verín).
Ambos os dous viaxaron con Torrente e coa súa equipa técnica, conformada polo reporteiro gráfico Álex Adonis e polo produtor Xabier Tropat, ata Mathausen en 1989 para ofrecer as súas testemuñas en primeira persoa do inferno que alí viviron.
Tras a súa estrea na Televisión de Galicia hai 33 anos, este documental foi presentado en diferentes entidades educativas e institucionais e en setembro todos os interesados e interesadas poderán visionalo en Verín.
