O papel dos cineclubes en Verín foi fundamental para comprender a esencia e a acollida actual do FIC Vía XIV na comarca. Así, con esta actividade, dirixida por Sabela Souto, preténdese recoller a testemuña dos protagonistas daqueles movementos cinéfilos para recuperar e salvagardar na memoria a súa relevancia. Unha actividade profesional que pretende analizar e estudar a súa evolución dende un punto de vista audiovisual, sociolóxico e histórico.
