O rural suscita, cada vez máis, a atención dos creadores audiovisuais e do gran público. Por iso, a organización do FIC Vía XIV de Verín considera fundamental crear espazos de encontro nos que artistas, representantes de entidades e traballadores poidan debater formalmente sobre as necesidades e posibilidades que o audiovisual representa para o rural.
O apoio aos novos creadores nestas zonas, o fomento de novos públicos, o aproveitamento dos produtos audiovisuais e o achegamento das últimas tendencias ás vilas de menor dimensión serán algúns dos asuntos que ocuparán esta mesa de traballo dentro da programación do FIC Vía XIV 2023.
Actividade baixo inscrición previa de carácter gratuito (os interesad@s poden anotarse no formulario habilitado ao efecto nesta mesma web).
Viñoteca Gandainas
10-09-2023 // 12.00 horas
