OS PREXUIZOS DA AUGA
España
2019 | 20'
Vaia onde vaia, atope con quen se atope, parece que a Juan nunca lle sae nada de nada, parece que sempre se lle augan os plans. É coma se vivera sempre cos calcetíns mollados. Ata que descobre que o que a auga estropea, a auga arranxa.
Autor: Santos Díaz
Licenciado en Historia e en Dirección de Cine polo CECC. En Barcelona realiza tres curtametraxes. En 2006 múdase a Madrid, traballando no campo dos clips e películas audiovisuais. En 2015 realizou a curtametraxe “A liña política”, estreada no Festival de Locarno.
HOMOMAQUIA
David Fidalgo
España
2019
14’
Achéganos un mundo onde os seres humáns son tratados como estes tratan aos animais, establecendo unha forte metáfora coa tauromaquia. Poñéndonos na pel do touro, “Homomaquia” representa a súa vida con crueza, a súa violencia e a súa falta de liberdade. É unha denuncia dos maltratos animais. É un berro a favor da liberdade.
Autor: David Fidalgo
Nado en Lugo en 1989, graduado en Belas Artes e Máster en Album Ilustrado e Animación, sempre sentiu paixón polo cine e durante a súa etapa coma estudante comezou a dar os pasos cara o mundo da animación. Actualmente compaxina os estudos do Doutorado en Belas Artes coa realización de curtametraxes de xeito moi low cost, con folios e lapis xeralmente.
ENCARNADOS
Tono Arias
España
2019
7’25”
Encarnados (2006-2019) é un proxecto fotográfico arredor do Entroido en Galicia. Logo de realizar miles de imaxes, o resultado son tres fotolibros, unha colección de postais e tres carteis. Cun deseño e unhas imaxes coidadas e orixinais, o autor preséntanos un percorrido visual ás veces absurdo, desordenado, irónico, anárquico e moi intuitivo.
Autor: Tono Arias
É fotógrafo desde os anos 80. Desde o seu estudio en Galicia realiza traballos no ámbito da fotografía editorial, arquitectura e comercial. No 2012 comeza o proxecto DISPARA un espazo cultural que traballa arredor da fotografía documental e artística é tamén unha galería de arte, librería e editora especializada en fotolibros.
O QUE PRECEDE A CAÍDA É BRANCO
Aldara Pagán
España
2018
8’27”
Un irredutible alento de tolemia intermitente desquicia o seu maxín, aínda morno, descubrindo unha sensación insoportábel de abandono idealizado.
Autor: Aldara Pagán
Graduada en Comunicación Audiovisual pola Universidade de Santiago de Compostela, dirixe e protagonista “O que precede a caída é branco” (2018). Coorganizadora das Xornadas “A outra mirada: cinema e muller”. Coorganizadora e programadora da sección OUFF EN CURTO, no Festival de Cine Internacional de Ourense.
PAST PERFECT
Jorge Jácome
Portugal
2019
23’
Moitas cidades ou países teñen un malestar distintivo. Son lugares que poderían ser Portugal, tan afundidos nun doloroso anhelo do pasado. Esta sensación común a moitas latitudes preséntase a miúdo como unha diagnose, unha negación dun presente doloroso fronte ao desexo de volver a un pasado glorioso.
Autor: Jorge Jácome
Nado en Portugal en 1988, estudou na Escola de Teatro e Cine de Lisboa e no Le Fresnoy - StudioNational des ArtsContemporains en Tourcoing, Francia. Na súa obra explora as relacións entre utopías, melancolía, desaparición e desexo. Ademais do seu traballo coma cineasta, tamén colabora regularmente en proxectos de artes escénicas.