Premio Xurado Oficial
OUTRA MIRADA
PLACES
Claudia Barral Magaz
España
2018
5’
“Places” explora os límites do tempo e o seu transcurso. Captura a viaxe a diferentes instantes, sempre dende o mesmo lugar, ampliando as posibilidades da elipsis e dando lugar a un universo artístico que empregará sempre as mesmas coordenadas.
Autor: Claudia Barral Magaz
Nada en 1993, desenvolve entre Madrid e París a súa formación artística en Belas Artes e cinematografía. O seu universo artístico e a sensibilidade das súas pezas xorden tanto da súa formación como das súas raíces. De avó pintor e nai poeta, Claudia recorre ás referencias plásticas e metafóricas en toda a súa creación. Rodada en xuño de 2018, “Places” é a súa primeira curta de ficción.
HORIZONTES
LOS QUE NO SIENTEN
Alba Cantero, Carlota Mojica, Marta Porto e Débora Vargas
España
2019
19’
As directoras coñecen a Tamar, unha xove palestina que fai reflexionar sobre a realidade que viven os habitantes de Gaza. Por medio de imaxes cotiás enviadas durante meses, mostran a fraxilidade e o día a día das persoas en Palestina.
Autor: Alba Cantero, Carlota Mojica, Marta Porto e Débora Vargas
Cantero é graduada en Comunicación Audiovisual e ten experiencia coma fotógrafa. Mojica é graduada en Comunicación Audiovisual pola Universidade de Málaga. Porto é técnica superior en Fotografía e graduada en Comunicación Audiovisual. Vargas é graduada en Comunicación Audiovisual e ten experiencia en produción e cámara.
A RAIA
16 de Decembro
Álvaro Gago
España
2019
14’
Sábado. Cae a noite. O balón móvese rápido dun lado ao outro. Os corpos buscan introducirse nos ocos que deixa a defensa. Lucía, vinte e cinco anos, sae de adestrar a balonmán e vai na busca do seu irmán en moto baixo as luces dunha cidade que cree coñecer.
Autor: Álvaro Gago
Graduado en Comunicación Audiovisual e Música, estudou teatro en Chicago e cine en Londres. As súas primeiras curtas, “Curricán” e “Bombolles” gañaron varios premios en varios festivais. O seguinte, “Matria”, gañou o Gran Premio do Xurado en Sundance e foi nomeado nos Goya. Actualmente desenrola o guión da súa primeira longametraxe.
NOVA
THE DISTANCE BETWEEN US AND THE SKY
Vasilis Kekatos
Grecia
2019
9’
Noite, unha estrada nacional. Dous descoñecidos atópanse por primeira vez nunha vella estación de servizo. Un detívose para cargar gasolina na súa bicicleta, mentres que o outro está varado. A falta dos 22,50€ que precisa para chegar a casa, intentará venderlle a distancia que os separa do ceo.
Autor: Vasilis Kekatos
Escritor e director grego. Logo de graduarse en Escola de Artes da Universidad Brunel en Londres, gañou o Sundance Ignite Short Film Challenge 2016 coa súa curta “Zero Star Hotel”. A súa última curta, “A distancia entre nós e o ceo”, estreouse no festival de Cannes, como parte da competición de curtametraxes.
PREMIO CAMIRA DA CRÍTICA
KIDS
Michael Frei e Mario von Rickenback
Suiza
2019
9’
Un corto de animación que explora as dinámicas de grupo. Como nos definimos cando todos somos iguais?
Autor: Michael Frei e Mario von Rickenback
Frei, nado en Suíza en 1987, é cineasta e artista. Estudou animación na Universidade de Ciencias e Artes Aplicadas de Lucerna e na Academia de Arte de Estonia en Tallin. Foi invitado como “Artista de animación na residencia de Tokio” en 2014. O seu proxecto interactivo “Plug&Play” converteuse nun fenómeno de internet. Cofundou Playables, unha produtora para proxectos peculiares con sede en Zúrich
PREMIO DO PÚBLICO
SANTA BAIA De Montes
Sabela Souto
España/Portugal
2019
15’51”
Santa Baia de Montes é unha aldea do concello de Cualedro, na provincia de Ourense. Os veciños e veciñas están fartas de recibir medios de comunicación que só queren información sobre os incendios que se repiten ano tras ano. Desta vez non foi así.
Autor: Sabela Souto
“Nacín o xoves de compadres do 98 na Pousa, unha aldea moi próxima a Verín aínda que noutro concello. Ata os dezaseis pensaba que o meu eran as ciencias e ata quixen ser médica. Despois dinme conta de que o que quería se aproximaba máis a Comunicación audiovisual así que marchei para Pontevedra”.
Premio NUMAX á Exhibición da MellorCurtametraxe de menos de 10 minutos
LEYENDA DORADA
Chema Ibarra / Ion de Sosa
España
2019
11’
É un día de verán na piscina municipal de Montánchez (Cáceres). No alto, a Virxe da Consolación do Castelo mantén o seu ollo vixiante.
Autor: Chema Ibarra / Ion de Sosa
Ibarra (Alicante, 1982) é director, guionista e produtor de cine, licenciado en Publicidade e Relación Públicas na Universidade de Alacante. Actualmente prepara “Espíritu sagrado”, a súa primeira longametraxe.
De Sosa (Guipúzcoa 1981) é director e produtor de cine, diplomado en Fotografía na ECAM e en Realización na ESCIVI. Autor de dúas longametraxes: “True Love” (2011) e “Sueñan los androides” (2014).