PREMIO Á MELLOR CURTAMETRAXE NA CATEGORÍA OUTRA MIRADA
A PROPÓSITO DE LANZAROTE EN GENERAL
Vincent Tricon
Francia
2020
15’
En xaneiro de 1999, Michel Houellebecq viaxou a Lanzarote. Levou unha cámara e filmou as súas vacacións. Ata o día de hoxe, estas imaxes permaneceron descoñecidas.
Autor: Vincent Tricon
Nado en 1985, é editor e director. Cursou estudos de comunicación audiovisual e cinema en Toulouse e Montpellier e graduouse en edición na Fèmis (a Escola Nacional de Cine de Francia). En 2016 estivo nominado aos César pola montaxe de Divines, de Houda Benyamina. A propósito de Lanzarote en general é a terceira curtametraxe que escribe e dirixe.
PREMIO Á MELLOR CURTAMETRAXE NA CATEGORÍA HORIZONTES
ANIKSHA
Vincent Toi
Canadá
2020
20’
Aniksha é unha xove da diáspora indomauriciana. Despois do seu matrimonio, concertado pola súa familia, atopa traballo nun centro de chamadas, unha industria en auxe en Mauricio. Alí atópase co seu enigmático supervisor e descobre un novo mundo de posibilidades. Aniksha está atrapada entre as súas tradicións e a modernidade.
Autor: Vincent Toi
Cineasta canadense nado en Mauricio. As súas películas exploran a complexidade das relacións humanas nas illas post-coloniais. A súa curtametraxe The Crying Conch (2017) estreouse na Berlinale e noutros trinta festivais. Toi gañou o premio ao Director Máis Prometedor no Festival de Vancouver en 2017.
PREMIO Á MELLOR CURTA NA CATEGORÍA A RAIA
REALITY
David Fidalgo Omil
España
2020
8’
Tomando como punto de partida momentos da actualidade relevante dos anos 2019 e 2020, esta curta ofrece unha reflexión crítica e irónica sobre os programas da denominada “telerrealidade”
Autor: David Fidalgo Omil
Nado en Lugo en 1989, Fidalgo é realizador de curtametraxes de animación cun carácter moi persoal. Coa súa anterior curtametraxe, Homomaquia, conseguiu unha nominación aos Premios Goya 2020, o Premio do Público no Festival de Málaga e o Mestre Mateo, entre outros, ademais de estar presente en moitos festivais.
PREMIO Á MELLOR CURTA NA CATEGORÍA NOVA
FORASTERA
Lucía Aleñar
Bélxica
2020
19’ 51"
Pasando o verán en Mallorca, Antonia acaba cautivada polas semellanzas entre ela e a súa avoa falecida e descobre un poder sobre o seu avó viúvo. Non pode resistir disfrazarse, pero queda a incerteza de quen está habitando en quen.
Autor: Lucía Aleñar
Nada en Madrid e residente en Nova York, Lucía Aleñar atópase completando o último semestre de seu Mestrado en Guión na Universidade de Columbia. Traballou como line producer para directoras de documentais como Peggy Stern, Tina Di Feliciantonio e Jane Wagner. Asistiu á directora de casting Jennifer Vendetti no casting de películas como Good Time dos irmáns Safdie.
PREMIO DO PÚBLICO
THE LETTER ROOM
Elvira Lind
Estados Unidos
2020
32’ 27"
Cando un oficial de prisións de bo corazón (Oscar Isaac) é transferido á sala de cartas, pronto se veinvolucrado nos asuntos persoais dun recluso.
Autor: Elvira Lind
Nada en Copenhague en 1981, Lind graduouse en The School of Media and Creative Arts en Cidade do Cabo, especializándose en documentais. Dende entón, realizou numerosos documentais para cine, televisión e Internet. Un dos seus traballos, Bobbi Jenne, gañou todos os premios na categoría documental no festival de Tribeca en 2017. The Letter Room é o seu debut na ficción.
Zacharevic (Lituania, 1986) é un artista preocupado pola relación entre arte e paisaxe humano, reflexionando sobre os conceptos de cultura e comunidade nas súas performances.
PREMIO NUMAX A LA DISTRIBUCIÓN AX AEQUO
AL MOTOCICLISTA NO LE CABE LA FELICIDAD EN EL TRAJE
Gabriel Herrera
México
2021
10’
Senta orgulloso na súa fermosa motocicleta, que nunca prestaría a ninguén. Está seguro de que só el pode explorar a xungla. Unha recreación lúdica con roles invertidos que apunta á arrogancia dos conquistadores coloniais.
Autor: Gabriel Herrera
Cineasta e videoartista nado en México. Estudou cinema na Escola Nacional de Artes Cinematográficas de Cidade de México e na Escola Nacional de Cine de Polonia en Łódź. Realizou varias curtametraxes e traballos en video. Actualmente vive en México, onde está facendo o doutourado en teoría do cinema, mentres ensina cine e realiza documentais sociais. Tamén está a desenvolver a súa primeira longametraxe.
