CINERIS
Carlos A. Quirós
España
2021
15’
Coma todas as noites de fin de ano, Aurora tomará as uvas co seu irmán, Vicente. Aínda que esta vez será diferente, pois Vicente acaba de morrer.
Carlos A. Quirós
Ferrolán de nacemento, é un dos directores máis eclécticos do panorama galego. Traballou tanto en cine coma en televisión e tocou todos os formatos e xéneros, dende programas de docurrealidade en televisión (Galicia Bonita) ou series infantís (Os Bolechas), ata o cinema social (Cineris, Os Pioghosos). O seu último traballo é a longametraxe documental Bienvenido Mr. Banksy.
O NIÑO DOS PAXAROS
Lucía Estévez
España
2021
15’
Os gorrións fanse un oco entre a maquinaria, os tubos de escape, nos motores abertos o nos asentos dos coche do terceiro andar. Cando escoitan abrir o gran portello na primeira hora da mañá, voan rápido para entraren. Hoxe o taller é un lugar seguro para eles, ao igual que o foi para o meu pai nos anos 80.
Lucía Estévez
Graduada en Comunicación Audiovisual na Universidade de Vigo e no Porto, seguiu formándose investigando a creación escénica e a dirección actoral. Máis alá do seu traballo coma directora e editora, tamén realiza proxectos teatrais, nos que se ocupa do apartado audiovisual. Recibiu numerosos premios polos seus traballos, incluído o Mestre Mateo en 2021 pola serie web Xan, da que é co-creadora xunto a Miguel Canalejo.
O TEU NOME É
Paulo Patrício
Portugal
2021
Unha ollada ao caso do asasinato de Gisberta Salce Jr., unha transexual seropositiva, sen fogar e drogadicta que foi brutalmente torturada varios día seguidos por un grupo de 14 adolescentes no Porto, Portugal, en 2006. Explora o inquietante relato de dous dos adolescentes condenados, agora xoves adultos, e as lembranzas das amigas transexuais de Gisberta, confrontando diferentes perspectivas e dimensións da condición humana.
Paulo Patrício
Nado en Angola e residente no Porto, Portugal. Con debilidade pola narración de historias, traballa en diferente medios e formatos, trocando con facilidade dende o deseño ata a escrita, o debuxo, a dirección de películas e as actuacións en vivo. A temática social está especialmente presente na súa obra fílmica dende a súa primeira curta, Douro (2012)