Algúns dos mellores filmes do mundo son feitos dende as beiras dun río pequeño e silencioso… Dada a singularidade do noso territorio, do Val do Támega, dividido pola Raia, e da nosa historia de emigración e fronteira con todos os seus significados en ambas as beiras, esta categoría acollerá curtas de cineastas de Galicia e de Portugal.
AS SACRIFICADAS (THE LEFT BEHIND)
Aurélie Oliveira Pernet
Portugal
2022
21´37”
En verán, o territorio portugués vese invadido polos incendios. Otilia loita entre o seu traballo limpando piscinas e a necesidade de coidar da súa nai. Aturdida por esa ese mundo cotián asfixiante, as chamas espertan nela a soidade, a desesperación e o desexo de evasión.
Aurélie Oliveira Pernet
Nada en 1990, formouse primeiro en deseño gráfico e despois en cinema na HEAD-Xenebra. Gradouse coa curtametraxe Meccarillos. Posteriormente fixo un Mestrado en Historia e Estética do Cine na UNIL en 2019. Actualmente está a escribir a súa primeira longametraxe.
ICE MERCHANTS
Joao Gonzalez
Portugal
2022
14’
Todos os días, un pai e o seu fillo saltan en paracaídas dende a súa vertixinosa e fría casa, adosada a un acantilado, para ir a aldea en terra, moi lonxe, onde venden o xeo que producen a diario.
Joao Gonzalez
Nado en 1996, gradouse na ESMAD (Porto) e estudou un mestrado no Royal College of Art (Londres). Nestas institucións realizou dúas curtas, Nestor e The Voyages, que foron acredoras de numerosos premios. Con Ice Merchants conseguiu ser o primeiro realizador portugués de animación en gañar no Festival de Cannes e obtivo a primeira nominación portuguesa aos Oscar.
ANTES DE QUE SE POÑA O SOL
Nani Matos
Galicia
2023
12’
Nunha reunión familiar, catro irmáns deben tomar unha decisión e non todos están de acordo. Drama familiar ambientado no mundo rural que nos achega ao difícil que é aceptar o paso do tempo e respectar as decisións dos demais, especialmente cando se trata dun familiar.
Nani Matos
Nado na Guarda (Pontevedra) en 1966, é actor, director e guionista. Antes de que se poña o sol é a súa cuarta curtametraxe. Antes rodara Dies dei (2009), Flores para Amalia (2013) e Lurna (2016). Estes traballos anteriores acadaron máis de 200 seleccións e preto de 50 premios. Actualmente está a desenvolver a escritura de varios proxectos.
ALICIA FAI COUSAS
Ángel Santos
Galicia
2023
25’
Alicia está obsesionada, metéuselle na cabeza que é aburrida, ou que está aburrida, ou quizais simplemente que todo é aburrido. Nós seguímola na súa obsesión, mentres se prepara para un casting, pensa se debería apuntarse a algún curso ou dubida se ir ou non ir a unha festa.
Ángel Santos
Nado en Pontevedra en 1976, é licenciado en Historia da Arte e diplomado en Dirección Cinematográfica polo Centre d’Estudis Cinematrogràfics de Cataluña. En activo dende 2002, é autor, entre outras, das curtas Septiembre (2004), O cazador (2008), Así vendrá la noche (2021) e da longametraxe Las altas presiones (2014), que lle valeu o Premio Nuevas Olas no Festival de Sevilla
