- A Asociación Cultural Audiovisual Vía XIV, encargada de por en marcha o certame de curtas, contará novamente coa colaboración do voluntariado
Verín, 24 de setembro de 2018.- O FIC Vía XIV, que celebrará a súa terceira edición a primeiros de decembro en Verín, contará novamente coa colaboración de voluntarios para a súa posta en marcha. Todos aqueles que desexen cooperar na organización do certame de curtas poden inscribirse de xeito doado a través da web do festival (ficviaxiv.com), cumprimentado un formulario específico que pode baixarse na pestaña voluntarios.
Xunto a isto, está previsto que a Asociación Cultural Audiovisual Vía XV, encargada de organizar o FIC, asine un novo convenio coa Universidade de Santiago de Compostela para contar con estudantes de Xornalismo e Comunicación Audiovisual interesados en participar na posta en marcha do festival. Estes alumnos realizarán, entre outras, tarefas de prensa, xestión de redes sociais, realización e produción audiovisual durante o evento.
Categoría internacional
Deste xeito, os voluntarios e estudantes terán a oportunidade de traballar directamente con profesionais do sector audiovisual e participar activamente e in situ na produción integral dun certame cinematográfico que xa ten acadado a categoría de internacional.
Deixa unha resposta