1, 2 e 3 de decembro / Aula CeMIT
Neste obradoiro para todos os públicos, cada asistente elaborará unha curtametraxe con imaxes e videos captados desde o seu propio teléfono móvil. Porque o mellor xeito de coñecer algo é facéndoo e, por iso, é importante ofrecer aos participantes e espectadores do FIC Vía XIV unha aproximación práctica a esa outra maneira de facer cinema.
Deste xeito, este obradoiro pretende cumprir dous obxectivos básicos: dunha banda, dar a coñecer aos participantes autores e películas que se fixeron con ferramentas que todos temos ao noso alcance e, pola outra, que cada participante realice a súa propia peza co seu teléfono móbil.
Día 1 de decembro. Teoría (4 horas) / 17:00
Realizar unha aproximación, a través de fragmentos de películas e explicacións sinxelas, a ese outro xeito de facer cinema.
Día 2 de decembro. Exercicio Práctico / 12:00
Cada participante analizará o seu aparato de filmación e as ferramentas que se lle ofrecerán para poder facer a práctica. Buscarase material en torno ao cal realizar a película.
Día 3 de decembro. Exercicio Práctico (4 horas) / 17:00
Durante as tres primeiras horas realizaranse as pezas, un traballo de montaxe asesorado pola profesora. Unha vez rematadas, proxectaranse na clase para poder realizar unha análise colectiva dos resultados.
Imparte o obradoiro
Maider Fernández: É educadora, artista e realizadora. Traballou como mediadora no Centro Internacional de Cultura Contemporánea Tabakalera, en San Sebastián. Compaxinou ese labor co de profesora de fotografía nos cursos anuais de Donostia Kultura da cidade e, a súa vez, realizando distintos traballos audiovisuais no proxecto colectivo As mozas de Pasaik. Actualmente, atópase realizando en solitario o proxecto As letras de Jordi e a videoinstalación Gloria e María.
Inscrición
Podes inscribirte cubrindo este formulario
