No marco da axenda de actividades paralelas do FIC Vía XIV 2023, Pepe Viyuela ofrecerá o sábado 9 de setembro no Auditorio de Verín un pase do seu aclamado espectáculo Encerrona, que achega ao público unha reflexión sobre o cotiá desde a perspectiva do pallaso.
“O protagonista vive a experiencia de quedar atrapado nas táboas á hora de entrar na escena posto que non sabe onde se está a meter. Entón atópase co público. El non vén actuar, pero vese obrigado a iso”, detalla a sinopse deste espectáculo de hora e media de duración con tintes de comedia e humor absurdo, pero tamén cun notable trasfondo para dar pé á unha reflexión sobre a propia existencia do ser humano.
As entradas para este espectáculo están xa dispoñibles á venda, polo prezo de 12 euros.
