O Tempo Documentary Festival de Suecia, un dos máis arraigados festivais audiovisuais do país escandinavo que este ano acadou a súa XXII edición, será o festival convidado pola organización do FIC Vía XIV de Verín na súa VI edición.
O Tempo Documentary Festival celebrou a súa última edición en marzo deste ano e fíxoo de xeito dixital, case completamente. Incluso a entrega de trofeos celebrouse en modo dixital. O Tempo Documentary Festival, o máis grande de documentais de toda Suecia, fundouse no ano 1998 e ao longo do tempo estableceuse como un foro único para a presentación de traballos documentais internacionais máis aló das froteiras tradicionais.
