WIFI PLAZA CUBA
Adrian Kelterborn
Suíza/España/Cuba
2017 | 3'
A soprano cubana María Dolores García xa non ten audiencia. Nestes días, os residentes da súa cidade, San Antonio de los Baños, pasan as noites na praza central, onde teñen acceso a Wi-Fi. Dado que o público non vai ao teatro, María Dolores García decide ir á praza e cantar unha canción para as persoas que se atopan alí.
Adrian Kelterborn
Adrian Kelterborn graduouse na Academia de Artes e Deseño de Zúric, Departamento de Dirección e Edición de Películas en 2005. Traballou como responsable de toda a produción multimedia de Magnum entre 2007 e2012. Actualmente está a desenvolver un proxecto documental independente sobre a urbanización de Suíza.
CALL HIM PRESIDENT
Marie Emma Paoli
Reino Unido/Serbia/República Checa
2017 | 29' 58''
Un home intenta comezar un novo país dende cero nunha terra en disputa entre Croacia e Serbia. En 2015, este libertario checo de 33 anos plantou unha bandeira nun pantano ao longo do río Danubio. Bautizouno como República Libre de Liberland. Dous anos despois, ninguén vive en Liberland mentres a policía croata detén a calquera que tente establecerse alí.
Marie Emma Paoli
Marie Emma Paoli traballou independentemente durante moitos anos para Le Monde. Tras esa etapa, decidiu estudar cine documental no University College de Londres. Call Him President é a súa primeira película.
LES SOIRS, LES MATINS
Lucie Plumet
Francia
2018 | 8' 29''
Moussa, unha senegalesa de 33 anos, e Tessa, unha nena de 12, atópanse unha noite na parada do autobús. Moussa non sabe onde durmir e Tessa non quere quedarse soa. Non son iguais, pero, sen sabelo, únense moi ben.
Lucie Plumet
Lucie plumet naceu en 1992 en París. Graduose no departamento de edición do INSAS (Bruxelas) en 2013, tras o que ingresou en La Fémis (París) para estudar Dirección. Está interesada en como os documentais traspasan os límites da ficción. A súa película de gradación, Damien December, foi seleccionada no Festival de Rotterdam en 2017.
298-C
Nida Mehboob
Pakistán
2018 | 15'
Unha familia dunha secta minoritaria perseguida discute a discriminación á que se enfrontan nuha tertulia familiar cando un membro da familia volve a
Paquistán logo de oito anos.
Nida Mehboob
Nida Mehboob é unha cineasta e fotógrafa. Graduada como farmacéutica decidiu saír do seu campo profesional e comezou a fotografar retratos. 298-C é a súa curtametraxe debut.
Bonfires
Martin Bureau
Canadá
2017 | 6'
Protestantes encenden grandes fogueiras en Irlanda do Norte o 12 de xullo de cada ano, como parte das celebración da Batalla do Boyne de 1690. Están feitas de palets de madeira, neumáticos e lixo. Para eles son símbolos de afirmación da súa identidade; para os católicos signican arrogancia e humillación.
Martin Bureau
Martin Bureau é un pintor e cineasta que vive e traballa en Québec, Canadña. Presentou as súas obras no Festival de Cine Hot Docs de Toronto, o Festival Internacional de Cine de Chicago, o Museo Nacional de Belas Artes de Québec ou a VIII Bienal de Video e Novos Medios de Santiago de Chile. O seu traballo en pintura e cine expresa temas estéticos e sociais mentres busca ofrecer un testimonio duradeiro da era actual e os seus desafíos.
THREE THOUSAND/TROIS MILLE
Asinnajaq
Canadá
2017 | 14'
Esta película experimental emprega plans de arquivo e animación para revelar 3000 anos de cultura Inuit en tres capítulos: pasado, presente e futuro.
Asinnajaq
Asinnajaq, tamén coñecida como Isabella Rose Weetaluktuk, é unha artista visual, cineasta e escritora radicada en Montreal. A práctica de Asinnajaq baséase na investigación e a colaboración, que inclúe traballar con outros artistas, amigos e familiares. Three Thousand foi nomeada á Mellor Curtametraxe Documental nos Premios da Academia de Cine e Televisión de Canadá en 2018.
