Categoría que incidirá na idea do horizonte coma liña imaximaria e invisible, lonxana e inalcanzable, de gran violencia emocional e simbólica como metáfora da migración. Por outra banda, o horizonte como liña que separa o aquí do alá, como unha sorte de fronteira entre o lugar no que estamos e calquera outro lugar.
BARZAKH
Kristof Sagna
Francia
2022
27’
Adnan, un mozo sirio de 16 anos que vive en Francia coa súa familia dende hai dous anos, está intentado aceptar o seu pasado.
Kristof Sagna
Comezou como guionista coa curtametraxe Concurrence Loyale, despois dirixiu dúas curtas franco-xaponesas: Savage Night (en colaboración con Office Kitano) e Shadow of Man. Logo de traballar durante anos como educador de mozos en dificultades, atopouse con refuxiados e usou esa experiencia como punta de partida para Barzakh.
2 OR 3 THINGS I DON´T KNOW ABOUT HER
Sabrina Idiri Chemloul
Francia/Catar
2022
23’
Lila é unha moza de 18 anos que vive en Brest e que recentemente decidiu usar velo, para consternación da súa familia. Tras unha discusión con seu mozo, Lila non ten ganas de celebrar a gran festa musulmá do Eid na casa e decide escapar.
Sabrina Idiri Chemloul
Tras unha infancia a cabalo entre Marsella, Mets e Orán, formouse no Atelier de Cinéma Expérimental de L’Etna (París), onde realizou a súa primeira curta en 16 mm. a partires de fotos e imaxes de arquivo. Formouse como script en Nova York, onde traballou en longametraxes e programas de televisión (HBO, PBS, Comedy Central). Actualmente desenvolve un documental (para o que recibiu o apoio de Les Pitchs D’Addoc na edición de 2021), así coma unha serie e varios proxectos de ficción.
HABIBI
Guillermo Cabot
España
2021
9’
Un autobús urbán circula pola cidade. Detense e sobe unha parella árabe. El diríxese a ela en voz alta, nervioso. Os pasaxeiros observan con desconfianza e preocupación a discusión cada vez máis quente ata que un dos pasaxeiros decide intervir: “Ti, habibi, senta...”
Guillermo Cabot
Dende a infancia dedicouse á musica e a o cinema de xeito amateur, pero nunha chamada vocacional tardía, con 44 anos, escribiu o seu primeiro guión para unha logametraxe, El medio hombre que salvó un imperio, que foi seleccionado no programa MadridCreaLab da ECAM. A súa primeira curtametraxe, DeMente, acumula 35 seleccións e nove premios. Habibi é a súa segunda curta.
