VOL DE NUIT
Kenan Görgün
2018
26’
Kemal é un mozo belga de orixe turca de 20 anos. Un día descobre que o seu pai leva anos enviando cartos a Turquía a unha muller e ao fillo dela.
Kenan Görgün
Nado en Gante, Bélxica, en 1977, fillo de pais turcos. Escritor antes que director, é autor de Rebellion Park(Premio SCAM de Literatura 2015) e de Delia on my Mind (Premio Marcel Thiry). Iniciouse na produción cinematográfica escribindo varios guións para unha decea de películas e dirixindo a súa primeira curtametraxe: Yadel (2010). Ademais de Vol de nuit, está realizando a adaptación da súa novela Anatolia Rhapsody.
ESPEJISMOS
Alfonso Palazón Meseguer
España
2022
24’
Dende a contorna dun non-lugar, varios refuxiados falan sobre a súa situación, de onde viviron e dos seus soños. Eles soñan con voltar a onde partiron, pero non saben cando. É un encontro para compartir os proxectos non cumpridos. Forman parte dun grupo de refuxiados especialmente vulnerables que non teñen elección.
Alfonso Palazón Meseguer
Doutorado en Ciencias da Información pola Universidade Complutense, é profesor titular de Comunicación Audiovisual na Universidade Rey Juan Carlos. Traballou coma realizador, produtor e guionista en diferentes proxectos audiovisuais e é autor de publicacións sobre cine, cine documental, novas tecnoloxías e alfabetización audiovisual.
MTI
Mauricio Corco Espinoza
Chile
2021
19’
Mti é un inmigrante haitiano de 29 anos. Tras aforrar ao longo de varios anos durante a súa estadía en Chile, debe regresar coa súa esposa e filla a Haití. Porén, os seus plans veranse truncados polo inesperado roubo dos seus aforros
Mauricio Corco Espinoza
Nado en Chile en 1988, é director e guionista graduado pola Escola de Cinema da Universidade de Valparaíso. Foi guionista da curtametraxe de ficción Al margen (2011) presentado en Cinélatino, Rencontres de Toulouse, REO (2017). A súa primeira curta coma director e guionista foi estreada na 39ª edición do Festival Internacional de Clermont-Ferrand (2017). Mti, a súa obra máis recente, foi premiada coma mellor curtametraxe no Sanfic 2021, entre outras 12 distincións en festivais internacionais.