AUTOPSIA DE UN RELATO PERIODÍSTICO
Alejandro Dueñas, Paulina Quiroz, Alex Ruggeri, Julia Sainz y Elisa G. Carrasco
España
2020
16’ 44"
En tempos de sobredose informativa e fake news, o cine recupera a súa misión de retratar a realidade. Partindo de sucesos acontecidos en Barcelona, a película enfróntase á diversidade de versións sobre os mesmos feitos.
Autor: Alejandro Dueñas, Paulina Quiroz, Alex Ruggeri, Julia Sainz y Elisa G. Carrasco
Col·lectiu U é un grupo que nace do Mestrado de Cinema Documental da UAB e está formado por: Alejandro Dueñas, un mestre imitando a persoas e pesoaxes; Paulina Quiroz, unha mexicana confusa que aínda non sabe cando se emprega o “ole”; Alex Ruggeri, un “mozo Gràcia” que pensa que en Gràcia non hai hipsters; Julia Sainz, probablemente a persoa co récord de máis palabras ditas nun día; e Elisa G. Carrasco, escritora desta biografía que xa me define por sí soa.
FORASTERA
Lucía Aleñar
Bélxica
2020
19’ 51"
Pasando o verán en Mallorca, Antonia acaba cautivada polas semellanzas entre ela e a súa avoa falecida e descobre un poder sobre o seu avó viúvo. Non pode resistir disfrazarse, pero queda a incerteza de quen está habitando en quen.
Autor: Lucía Aleñar
Nada en Madrid e residente en Nova York, Lucía Aleñar atópase completando o último semestre de seu Mestrado en Guión na Universidade de Columbia. Traballou como line producer para directoras de documentais como Peggy Stern, Tina Di Feliciantonio e Jane Wagner. Asistiu á directora de casting Jennifer Vendetti no casting de películas como Good Time dos irmáns Safdie.
GRAB THEM
Morgane Dziurla-Petit
Suecia
2020
12’ 45"
Sally, de sesenta anos, anhela o amor e a felicidade. Ultimamente, a súa busca viuse complicada polo feito de parecerse ao presidente estadounidense Donald Trump. O tolo asalto dun home ao mundo é unha carga para unha muller solitaria.
Autor: Morgane Dziurla-Petit
Nada en Francia, Morgane Dziurla-Petit estudou cinema na Sorbonne Nuovelle de París e produción cinematográfica en Cannes. Tras as súas primeras experiencias profesionais, viaxou a Tokio, filmando o vídeo artístico Memories of Another I, empregando a edición autoxenerativa. Tras mudarse a Suecia en 2017, segue creando novas narrativas, movendo fronteiras entre a ficción e o documental.
LA COLCHA Y LA MADRE
David Pérez Sañudo
España
2021
14’ 10"
Unha nai vai visitar á súa filla, xusto cando esta ía a sair. A filla ten moita présa: discutiu co marido e como non chegue á súa nova exposición, a relación periga. Pero a nai tráelle un agasallo. E unha mala noticia. Se lle da dous minutos, cóntallo.
Autor: David Pérez Sañudo
Nado en Bilbao en 1987, é licenciado en Comunicación Audiovisual pola UC3M e mestrado en dirección cinematográfica en ESCAC. Actualmente remata a súa tese doutoral dentro do grupo de investigación GECA (Xénero, Estética e Cultura Audiovisual) da Universidade Complutense. Os seus traballos foron seleccionandos (e gañaron premios) en festivais de todo o mundo: Mánchester, Brest, Burdeos, Xixón, San Sebastián, Varsovia, La Habana, Bogotá...
