Serán seleccionados curtas que non teñen cábida nas temáticas categorizadas; é unha categoría xeral que recollerá filmes contemporáneos, cinema de autor e obras que non se rexen por formatos industriais obsoletos.
GREEN FIT
Maxime Pistorio
Bélxica/Francia
2021
17’ 14"
Xavier inscribiuse nun ximnasio gratuíto. Gratuíto? Si, pero se é gratuíto significa que el é o produto.
Autor: Maxime Pistorio
Nado en París en 1984 e criado en Bruxelas, comezou a actuar antes de estudar cinematografía no IAD e escritura de guións no Atelier Scénario de La Fémis. Traballou como asistente de director en teatro, ópera e cine. Escribiu e dirixiu seis curtametraxes e sete videoclips, ademais de dirixir a longametraxe experimental Conference of the Birds.
ONE MINUTE
Matilde Sköld/Marcus Svanberg
Suecia
2020
10’
Dúas mulleres novas están a se mudar á súa nova casa cando ven a dúas persoas saudándoas dende un apartamento ao outro lado da rúa. Cando se dan conta de que son as súas dobres, que aparentemente existen un minuto adiante no tempo, a situación pasa rapidamente de intrigante a aterradora.
Matilde Sköld/Marcus Svanberg
Sköld comezou como xornalista, cubrindo literatura internacional para o Swedish Journal. Svanberg empezou facendo música para documentais e actualmente é un dos directores comerciais suecos mais prominentes. Xuntos realizaron videos comerciais para marcas como Coke Zero, Ikea ou Jaguar. En 2020 realizaron a súa primeira curta, Killing Small Animals, galardoada en máis de 30 festivais de todo o mundo. One Minute é a súa segunda curta conxunta.
OLORES
Alba Esquinas
España
2022
10’
Unha fotografía aparece no fondo dun caixón e desencadea as lembranzas de toda unha infancia. Unha infancia non só marcada pola ausencia do pai que morreu na guerra, senón tamén polas matanzas de porcos e os trapos manchados de sangue da carnicería da súa nai.
Alba Esquinas
Murciana residente en Madrid dende 2017, está especializada en guión cinematográfico. Estreouse no cinema de no ficción como co-directora na curta Canción triste de alubias, e en solitario con Olores, que recorreu festivais de todo o mundo, obtendo numerosos premios. Na actualidade atópase na posprodución de Los viudos, a súa próxima curta documental, así como no desenvolvemento súa primeira longametraxe de ficción.
MOTHER´S SKIN
Leah Johnston
Canadá
2022
20’
Terranova, 1971. Unha nena abandonada de seis anos loita por sobrelevar a depresión da súa nai e a ira alcólica do seu pai. Pasa os días soa, valéndose de si mesma, mentres o pai traballa e a nai durme. Pola noite, a violencia estala ao seu redor e ameaza con destrozar á súa familia. Pero cando descobre un segredo agochado dentro da súa casa, o seu mundo disfuncional adquire un significado novo e estrano.
Leah Johnston
Natural de Nova Escocia, Canadá, graduouse cun B.F.A. na Escola de Artes Tisch da Universidade de Nova York e ampliou estudos no Instituto Nacional da Pantalla (Canadá), no Laboratorio de Talento de Reykjavik (Islandia) e co Programa da Academia de Dirección de Cine Canadense. As súas catro anteriores curtametraxes fixéronlle acredora de numerosos premios e galardóns.
III
Salomé Villeneuve
Canadá
2022
12’
Nun caloroso día de verán á beira dun lago, tres irmáns enfróntase á morte por primeira vez a través do seu contacto coa natureza.
Salomé Villeneuve
Cineasta e fotógrafa. Graduouse en Cinema en 2020 pola Universidade Concordia de Montreal. III é o seu debut como directora. Só iniciou a súa carreira profesional cando estivo segura de que podería seguir o seu propio camiño, en lugar de tratar de estar á altura das expectativas creadas pola fama do seu pai, o aclamado director Denis Villeneuve.
